ໃນວັນທີ 28 ມັງກອນ 2021 ທີ່ຜ່ານມານີ້ ໄດ້ມີການສ້າງຂະບວນການ ບໍລິຈາກ ເລືອດ ແລະ ຂະບວນການແຂ່ງຂັນກິລາເປຕັງ ມິດຕະພາບ ທີ່ເດີນກິລາເປຕັງ ສໍານັກສູນກາງສະຫະພັນກໍາມະບານລາວ, ເພື່ອສ້າງຂະບວນການຂໍ່ານັບຮັບຕ້ອນ ວັນທີ 01 ກຸມພາ ວັນສ້າງ ຕັ້ງສະຫະພັນກໍາມະບານລາວ ຄົບຮອບ 65 ປີ (01/02/1956-01/02/2021). ເຊີ່ງມີ ຄະນະໜ່ວຍກໍາມະ ບານ ຮາກຖານ ແລະ ສະມາຊິກ ຂອງບັນດາກົມ/ທຽບເທົ່າກະຊວງ ປທສ, ບໍລິສັດ ອີທີແອວ ມະຫາຊົນ ແລະ ບໍລິສັດ ລາວໂທລະຄົມຫລາຍກວ່າ 50 ທ່ານ, ໄດ້ເຊີ່ງໃນນັ້ນໄດ້ເຂົ້າຮ່ວມແຂ່ງຂັນກິລາ ເປຕັງ ຕ່າງໜ້າທີມຂອງ ກະຊວງ ປທສ ຈໍານວນ 01 ທີມ ແລະ ໄດ້ບໍລິຈາກເລືອດ ຈໍານວນ 36 ສະຫາຍ.



  ຂະບວນການດັ່ງກ່າວ ແມ່ນໄດ້ດໍາເນີນໄປຢ່າງເປັນຂະບວນຟົດຟື້ນ ມີທີມກິລາເປຕັງຈາກ ບັນດາກະ ຊວງ/ອົງການຈັດຕັ້ງທຽບເທົ່າອ້ອມຂ້າງເຂົ້າຮ່ວມ ແລະ ຂະບວນການບໍລິຈາກເລືອດ ທີ່ເປັນພະນັກງານ ແລະ ນັກສຶກສາ ຈາກບັນດາກະຊວງ/ອົງການຈັດຕັ້ງທຽບເທົ່າ ແລະ ສະຖາບັນການສຶກສາຕ່າງໆ ເຊັ່ນ: ມະຫາວິທະຍາໄລແຫ່ງຊາດ,ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ແລະ ອື່ນໆ ເຂົ້າຮ່ວມບໍລິຈາກເລືອດຢ່າງຫຼວງຫຼາຍ.